Volgens die voorsitter van die nuwe Ratel Amateur Stoeiklub, Francois van Zyl, het ‘n groep ouers besluit om die klub te stig omdat hulle moeg begin raak het om die hele tyd met hul kinders na die klub op Fochville te ry.
Die klub sal aan stoeiers van so jonk as ses jaar oud die geleentheid gee om hul vaardighede te ontwikkel. Stoeiers tot op seniorvlak kan egter deel van die klub, wat by die Noordwes geaffilieër en geakkrediteer is, word.
Die klub word amptelik op Donderdagaand, 9 Januarie, geopen. Dit is geleë in die ou gim by Rautenbachstraat 47. Hoewel die klub reeds baie lede het, is nuwelinge steeds welkom. Belangstellendes kan Van Zyl by 082 563 5986 skakel.
