Atlete van Laerskool Dagbreek kon Vrydag hul talent en vermoë in verskeie sportsoorte tydens die skool se jaarlikse huissport wys.

Gelukkig het die vorige dae se reën bedaar en kon die skool se atlete van vroeg af wys waartoe hulle instaat is.

Kevin du Toit is as Junior Victor Ludorum aangewys terwyl Keagen Steenkamp die Senior Victor Ludorum was.

Heidi Geldenhuys en Alenke de Beer het die toekenning as Junior Victrix Ludorum gedeel, terwyl Tshegofatso Ratswana met die trofee as Senior Victrix Ludorum weggestap het.

Op die ou end het die Blouspan die geesbeker gewen, terwyl die Rooispan die atletiekbeker ingepalm het.