‘n Ruiter van Fochville is vir die nasionale span gekies na haar uitstekende prestasie by die onlangse nasionale Saalperdkampioenskappe.

Annemie Brandon en haar sussie, Mariolee, het van 21 tot 27 April aan dié kompetisie, wat as deel van die Bloemskou gehou is, deelgeneem.

Annemie het ‘n vyfde plek in die vyfgang plesierperd vir ruiters o14 verower, ‘n agtste plek in die driegang plesier perd kategorie vir dieselfde ouderdomsgroep en is as reserwe groot kampioen in die vyfgang plesierperd en as kampioen vir ruiters onder 14 in dieselfde klas se ruiterkuns-afdeling gekroon.

Dit het verseker dat Annemie, wat deur Dale Bierman afgerig word, ‘n plek in die nasionale junior Prospektusspan gekry het.

Sy gaan Suid-Afrika in die drie- en vyfgang afdelings verteenwoordig.

Sy gaan as deel van dié span in Desember teen ruiters van die VSA meeding. Mariolee het twee sesde plekke en ‘n agtsteplek verower.