Hoërskool Carletonville se o15 hokkiespan het hulle dié seisoen uitstekend van hul taak gekwyt.

Volgens die skool se woordvoerder, Sandra Venter het die span hulle seisoen op ‘n hoogtepunt afgesluit deur na die Noordvaal Kampioenskappe deur te dring.

Dié kragmeting is die afgelope naweek by Curro Vanderbijlpark gehou en die span moes teen verskeie opponente te staan kom.

“Hoewel hulle nie as die oorwinnaars uit die stryd getree het nie, het die meisies baie goeie ondervinding opgedoen om op Astrobane te speel,” sê Venter.