Talle voor stok gekry tydens padblokkades

Tal­le ver­meende wets­oor­tre­ders is op hier­die ma­nier op Vry­dag 25 Ok­to­ber vas­ge­trek.

Die Mook­go­phong-po­li­sie, ver­keers­af­de­ling, ge­meen­skaps­po­li­siërings­fo­rum (GPF) en die Youth Civilians on Patrol (YCOP) het op ver­skeie plek­ke in die dorp stel­ling in­ge­neem. Voer­tuie is deur­soek vir on­wet­ti­ge im­mi­gran­te, on­ge­li­sen­sieer­de vuur­wa­pens, dwelms en pad­wetoor­tre­ders.

Een van die pad­blok­ka­des was by die in­gang na die dorp van­af Mo­di­mol­le en die an­der by die in­gang vanaf Spif Chickens (Nel­son Man­de­la­straat) by Hoër­skool Hans Strij­dom. Die ope­ra­sie het be­kend gestaan as Ope­ra­sie Swa­ra Tsotsi en het van 05:00 tot 09:00 ge­duur.

Vol­gens AO George Le­dwa­ba, woord­voer­der van die Mook­go­phong-po­li­sie, is hul­le te­vre­de met die ope­ra­sie en sal dit weer ge­hou word.

GPF-le­de Phi­lip van Sta­den en Ko­bus van Log­ge­ren­berg (voor­sit­ter) het groot lof ge­had vir die op­tre­de van al­mal wat be­trok­ke was.

Daar is altesame 156 voer­tuie en 255 mense deurge­soek. Altesame 12 vermeende on­wet­ti­ge im­mi­gran­te is in heg­te­nis ge­neem en een per­soon is aan­ge­keer vir die ver­voer van on­wet­ti­ge im­mi­gran­te.

Ag­tien boe­tes ter waar­de van R7 000 is uit­ge­reik aan pad­ge­brui­kers wat die wet oor­tree het. Een per­soon is aan­ge­keer vir die be­sit en han­del­dryf van 1,3 kg dag­ga en ’n an­der een vir die ge­bruik van dag­ga op straat. Vier eie­naars van in­for­me­le win­kels is in heg­te­nis ge­neem vir die ver­koop van pro­duk­te wat ver­val het.

Daar is altesame 37 men­se in heg­te­nis ge­neem tydens die ope­ra­sie.

Le­dwa­ba het wets­oor­tre­ders ge­maan dat hul­le nie lig daar­van sal af­kom nie. “Ons is hier om mis­daad te voor­kom en boe­we vas te trek,” het hy ge­sê.