Ver­bod op vei­lings nou landwyd

Tho­ko Di­di­za, mi­nis­ter van land­bou, grond­her­vor­ming en lan­de­li­ke ont­wik­keling, het die uit­brei­ding van die ver­bod op Woens­dag 4 De­sem­ber in die Staats­koe­rant be­kend­ge­maak.

Ingevolge dié bepalings heers daar nou ’n verbod op die vervoer van vee vir han­dels­doel­ein­des.

Vee moet 28 da­e in een kraal ge­hou word — son­der nu­we toe­voe­gings — en die pro­du­sente moet be­wy­s le­wer dat vee siek­te­vry is. Kla­ring­ser­ti­fi­ka­te van vee­art­se word vereis. Bek-en-klouseer het ’n in­ku­ba­sie­tyd­perk van 28 dae.

Simp­to­me sluit in neerslagtigheid on­der die­re, se­re in die bek, die­re wat on­wil­lig is om te vreet en ver­lam­ming.

Vee­ver­ko­pe mag voort­gaan, maar be­wy­se moet gelewer word dat die diere siektevry is, lui die bepaling.

Vol­gens Reg­gie Ngcobo, land­bou­woord­voer­der, is ’n ver­soek aan die Suid-Af­ri­kaan­se weer­mag ge­rig om die be­we­ging van vee te mo­ni­teer en die po­li­sie by te staan.

“Mense wat siek vee ver­voer, kan si­viel of straf­reg­te­lik vervolg word,” het hy gesê.

Vor­dering is in­tus­sen ge­maak om die oor­sprong van die uit­braak te bepaal. Daar is tot dus­ver 11 eien­dom­me ge­ï­den­t­if­iseer waar die siek­te uit­ge­breek het.

Vol­gens die de­par­te­ment het die siek­te in die Mo­le­mo­le-ge­bied noord van Po­lok­wa­ne uit­ge­breek, waarna dit na die Ca­pri­corn-, Vhem­be- en Mo­pa­ni-ge­bie­de ver­sprei het.

’n Ge­skat­te 14 000 stuk­s vee is deur die siek­te geraak en streng kwa­ran­tyn­maat­reëls is ingestel. Selfs aan­gren­sen­de plase van die ge­af­fek­teer­de eien­dom­me word volgens die de­par­te­ment on­der kwa­ran­tyn ge­plaas.

Dié beperkings sal eers ge­lig word so­dra die be­trok­ke eien­dom­me siek­te­vry ver­klaar is. Die eie­naars is ook die keuse ge­gee om van hul die­re op ’n be­heer­de manier te slag.

Vol­gens in­lig­ting van die Bek-en-klou­seer-fo­rum (BK-fo­rum) wat op Woens­dag 20 No­vem­ber bui­te Be­la-Be­la ge­stig is, kan af­slaers steeds ver­ko­pe van ge­son­de vee fa­si­li­teer, maar dit is tans ’n tyd­sa­me pro­ses.

Pro­du­sen­te word in­tus­sen aan­ge­raai om geen hoëri­si­ko vee te ver­voer nie, om slegs vee van be­trou­ba­re bron­ne aan te koop en op wet­ti­ge kla­ring­ser­t­ifi­ka­te aan te ­dring.

Vei­lig­heids­maat­reëls is beskik­baar op die na­sio­na­le die­re­ge­sond­heids­fo­rum se web­tuis­te by www.nahf.co.za(.)