Kokanje-aftreeoord maak reg vir groot makietie

Die Kokanje Karnaval vind op Saterdag, 20 April vanaf 08:00 plaas en toegang is gratis.

Hierdie geleentheid is nie net vir Kokanje-inwoners nie, maar vir gaste ook. Die oord nooi dus die hele gemeenskap om die dag saam te kom geniet.

Chris Coetzer en Anza tree op as gaskunstenaars en Pretoria FM en Waterberg Stereo sal lewendige radio-uitsendings doen.

Daar sal kosstalletjies te kies en te keur wees, asook fyngebak, naaldwerk-items en ander snuisterye. Besoekers kan ook na die skouhuise wat tans te koop is in die spog aftreeoord, gaan loer.

Diegene wat belangstel in uitstalruimte, kan gerus vir Bettie Botha by tel. 083 280 6610 skakel of stuur ’n e-pos na sporthsharties@gmail.com vir meer inligting.