Hou dorp netjies en skoon

Moedelose belas­ting­beta­ler, Bela-Bela, skryf:

Baie geluk aan Char­les Weber wat be­sluit het om in Die Pos van Vry­dag 20 Septem­ber te skryf oor die “stinkende toestand” van Bela-Bela.

Dit is werk­lik ’n skande dat die be­trokke mense by die plaas­like munisi­pa­liteit nie al daar­van werk ge­maak het nie.

Ons as belas­ting­betalers moet aan­hou protes­teer en geen steen onaan­ge­roer laat om die verant­woorde­like mense tot verant­woor­ding te roep nie.

Die voort­bestaan en vooruit­gang van ons dorp is afhank­lik van toe­risme en hierdie growwe nalatig­heid sal mense ont­moedig om hier te vertoef en geld te bestee.