Hoërskool Nylstroom se gholfspelers is op toer en verken verre gholfbane. Die groep het op Maandag 26 Oktober by Lost City gespeel en op Dinsdag 27 Oktober by Magaliespark. Hulle het in Rustenburg oornag. Op die foto is Wollie Booysen (onderwyser), Heinrich Steffen, JC Meintjes, Paul-Jac Els, Paul Els (beheerliggaam), Adriaan du Plessis (onderwyser), Jan-Pierre Jacobs, Jandré Meintjes, Tyrone Meiklejohn en Andrie Cronjé (onderwyser).
Die gewilde parkrun in Modimolle word steeds nie aangebied nie, het Annette van Dyk van dié organisasie aan Die Pos gesê. “Ons moet wag vir toestemming van die internasionale en Suid-Afrikaanse parkrun-organiseerders voordat ons weer kan wegspring. Ons word oorval met navrae van mense wat gretig is om weer te stap en hardloop,” het sy gesê. Duisende mense neem deel aan die 225 parkruns wat op Saterdagoggende regoor die land gehou word. Deelnemers kan die 5 km-afstand stap of draf. Modimolle se parkrun (foto bo) is voorheen op die mooi kronkelpaadjies van die Koro Creek-gholflandgoed gehou.
At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.
