Mieke Visagie wen ’n silwer medalje op spronge (vlak 4, 7-9 jaar) en het algeheel vierde geëindig. Carla Gouws wen ’n silwer op die brug en eindig algeheel vyfde (vlak 4, 7-9 jaar), terwyl Zúret Gilliland ’n algehele tweede plek verower in tuimel (vlak 5, 15 jaar en ouer). Juan Botes wen nie net brons op spronge (vlak 5, 15 jaar en ouer), maar ook die SA-kampioen titel vir tuimel in dieselfde kategorie. Hulle word afgerig deur Charléne Engelbrecht, Sibbie Swart en Marinda Coetzer.
Vyftien artistiese gimnaste en vyf tuimelaars het teen die bestes in die land meegeding.
Artistiese gimnaste van die Ecarté-gimnastiekklub in Modimolle het op 29 en 30 September aan die Zone vlak 1 tot 3 kampioenskap deelgeneem. Daar het 555 gimnaste van Gauteng, Noord-Kaap, Noordwes en Limpopo meegeding. Die Ecarté-gimnaste het altesaam 13 goue-, vyf silwer- en twee bronsmedaljes huis toe gebring. Voor lê Dinkwanyane Phasha (goud). In die middel staan Corli Joubert (goud en Zone-kampioen), Mienke Laurens (goud), Leanette Oberholzer (silwer), Adriaan van der Colff (goud en Zone-kampioen), Rikus Röntgen (goud), Kerneels Laurens (silwer), Mieke Joubert (silwer) en Karli Venter (goud). Agter staan Chelsea Marie (goud), Martiné Marais (goud), Juanique Seegers (goud en Zone-kampioen), Phuthego Masibe (brons), Nikita van Staden (brons), Nondumiso Mahlangu (goud), Shela Ledwaba (goud), Raesetja Masemola (goud), Emma Boonzaaier (silwer), Clarissa Timmerman (goud) en Ariella Quinlan (goud). Hul afrigters is Charléne Engelbrecht en Marinda Coetzer.
At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.