BJV Waterberg-tak sluit jaar gesellig af
Jagters van alle ouderdomsgroepe het saamgekom om ’n aand van pret, heerlike kos en samesyn te geniet.
Lede van die Bosveld-jagtersvereniging (BJV) se Waterberg-tak het op Vrydag 3 November die jaar se werksaamhede en kompetisies afgesluit met ’n gesellige geleentheid en prysuitdeling by Maroela Oasis net buite Bela-Bela.
Die Waterberg-tak het die wisseltrofee vir die derde opeenvolgende jaar gewen vir die tak wat die vier beste skuts by twee byeenkomste gehad het. Gerrit Botha, Stephan Botha, Jannie Engelbrecht en Koos Pienaar is die skuts wat gesorg het dat Waterberg die ander agt takke uitstof.
Die geleentheid het nie net gedien as ’n viering van die afloop van ’n suksesvolle jagseisoen nie, maar het ook ’n platform gebied vir die erkenning van topskuts vir hul prestasies. Dit is ’n prestasie wat nie onderskat kan word nie en die BJV se Waterberg-tak het hierdie skuts erkenning gegee en geloof vir hul vaardighede en toewyding tot die sport.
Een van die opmerklike aspekte van die aand was die inklusiwiteit daarvan met lede van alle ouderdomsgroepe wat geprys is vir hul skietvernuf. Die junior span het beslis nie toegelaat dat die volwassenes al die eer kry nie. Christiaan Engelbrecht het die eerste plek van die junior provinsiale CHASA randslag baanskiettabel losgeslaan en Johan Botha is eerste geplaas in die toptien junior liga en het die wisseltrofee ontvang.
Die aand het ’n passievolle gemeenskap van jagters saamgebring wat ’n voorliefde vir jag en die bewaring van ons land se natuurerfenis op die hart dra.
Die jagseisoen verteenwoordig die belofte van nog vele suksesvolle jagseisoene in die Waterberg.
