Local sport
Tarentale kraai koning by Limpopo-jukskei
Die Limpopo-jukskei afsluiting is op Saterdag, 2 Maart by Die Oog-aftreelandgoed buite Mookgophong gehou. Deelnemers sê dit was ’n genotvolle dag wat in goeie sportmansgees verloop het.
Die Tarentale-span van Mokopane het in die A-afdeling koning gekraai. Hul het die wedstryd teen die Naboomspan oortuigend gewen met 224,5 punte teenoor Naboom se telling van 137,5 op die telbord. Die wenspan is Matie Coetzee, Fanus Genis, André Coetzee en de Graaff Genis.
In die B-afdeling het die span van Die Oog hul teenstaanders, Tarentale B-span geklop. In die C-afdeling het die span van Naboom se skeie reg geval teen die Tarentale C-span.
Die Tarentale-A-span is aangewys as die Limpopo-wenners.
’n Woordvoerder van Limpopo-jukskei het aan Die Pos gesê dat hulle opgewonde is oor die groeiende belangstelling en talent van hierdie tradisionele sportsoort.
At Caxton, we employ humans to generate daily fresh news, not AI intervention. Happy reading!
Stay in the know. Download the Caxton Local News Network App here.
