Aftrede kan ’n groot avontuur wees

Daar is ouete­huise, aftree­oorde en dan is daar dees­dae ook aftree­land­goe­dere.
Net soos die “gesig” van aftree­be­huising die laaste paar deka­des verander het, so het ook die hele idee rondom aftrede veran­der.
Aftrede mag die einde van ’n werks­loop­baan beteken, maar deesdae is dit vir mense die begin van ’n hele nuwe lewe met nuwe keuses en uit­da­gings om na uit te sien. Die meeste heden­daag­se afgetre­de­nes sien die uitspan­fase ná ’n for­mele loop­baan as ‘n avon­tuur wat ten volle geniet moet word en hul kyk eerder na die voordele as die nadele.
Kreatiwiteits­ken­ner dr. Kobus Neeth­ling bevestig hierdie siening en sê daar is nie iets soos ’n “regte” aftree­ouder­dom nie. Deesdae praat groot maatskappye, volgens Neethling, van “rerouting your life”. Dit is ’n energieke woord wat bewe­ging im­pli­seer om nuwe rig­ting aan jou lewe te gee.”
Dawie Roodt, een van die land se voor­ste ekonome, stem saam met Neeth­ling dat hy nooit sal aftree nie. Behalwe vir die ramp­spoedige finan­siële im­pli­ka­sies, voel Roodt “aftrede maak jou regtig oud”. Hy meen ouer mense het waardevolle on­dervin­ding. Dit is net mense met dekades se on­der­vin­ding wat weet dat daar eint­lik niks nuuts op aarde is nie.”
Mense wat ouer word en later (of nooit) aftree, vertel Roodt, verander die arbeids­mark aan­sienlik. “Ek het byvoorbeeld my werks­lewe as ’n inter­ne oudi­teur begin. Toe reken­mees­ter, eko­noom, joer­na­lis, kapitaal­markont­leder, direk­teur, do­sent en nou skrywer. Ek probeer nie spog nie, ek probeer net wys dat jou lewe nie meer uit een werk be­staan nie, maar dat daar won­der­like ander geleent­hede ook is. Ek ge­niet my lewe!”
Die Pos fo­kus op die pragtige aftreeoorde en land­goedere wat in die Water­berg be­skik­baar is vir die­gene wat hul af­trede te beplan. Ook mense wat reeds afgetree het, kan meer te wete kom oor mediese dien­ste en die spesiale aan­biedinge wat sakeonder­nemings in die Water­berg vir afge­trede­nes ­bied.