Nuwe lid by die Mbidi familie
Mbidi Lodge verwelkom 'n nuwe familielid, Leo, 'n pragtige bruin leeuwelpie van drie weke.
Die publiek sal Leo binne drie weke kan ontmoet, na hy eers aansterk in afsondering. Lede van die gemeenskap sal dan foto’s saam met Leo kan neem.
Mika, nòg ‘n nuwe lid van die Mbidi-familie, is ‘n twaalf weke-oue leeuwelpie. Sy is ‘n kruising tussen ‘n bruin leeu en ‘n wit leeu, wat haar grys-kleur besonders uniek en maak.
Mbidi Lodge nooi alle inwoners om Mika met haar sprankelende persoonlikheid te kom ontmoet en ‘n paar foto’s saam met haar te neem. Kostes vir foto’s saam met Mika beloop R40 per persoon. Daar is ook talle ander groot katsoorte om te sien by Mbidi Lodge.
Mbidi het ‘n hele lys van opwindende funksies soos hul jaarlikse Oukar Skou wat op 1, 2 en 3 Mei plaasvind. Hou Die Daller dop vir meer geleenthede wat by Mbidi Lodge gehou sal word gedurende die jaar.
Vir meer inligting kontak gerus 076 683 9866, 013 932 4249 of 079 887 9366.
