Bybelskoolstudente gradueer met prys en lof

Die Lof en Aanbidding Sentrum in Polokwane het onlangs ‘n gradeplegtigheid aangebied waar studente aan die sentrum se Bybelskool hul diplomas ontvang het.

“Dit was ‘n suksesvolle jaar en vanaand gee ons erkenning aan die studente vir hul harde werk,” het Melané de Villiers, dekaan van die Lof en Aanbidding Sentrum Bybelskool gesê.

Vier studente het hul diplomas by hierdie geleentheid ontvang:

• Andries Keyser: Gevorderde Bediening, Cum Laude.

• Wilma Keyser: Gevorderde Bediening, Cum Laude.

• Wayne Burger: Bachelors in Bediening.

• Marnus Badenhorst: Diploma in Dissipelskap.

Daar was ook sertifikate van waardering uitgedeel vir ander studente van die Bybelskool.