Ermeloërs skenk nog water

Die Hoëvelder het twee weke gelede berig oor ‘n groep sakemanne wat die pleidooi van droogte-gesteisterde gebiede ter harte geneem het.

Hulle het verskeie ondernemings in die dorp genader vir hulp wat dit moontlik gemaak het om 4 500 liter water vir die mense in Senekal te stuur.

Die gemeenskap het dadelik saamgestaan, van organisasies en ondernemings tot lede van die publiek wat ‘n verskil gemaak het met ‘n paar liter water.

Op dié wyse is ná die eerste besending nog 9 515 liter bymekaargemaak.

Saam het Ermeloërs tot dusver 14 015 liter water en duisende rande ingesamel vir gebiede wat onder droogte gebuk gaan.