Hengelaars wen groot by Grootdraaidam

Die mans en vroue het R1 000 ontvang vir die swaarste karp, modderbek en baber.

Arisja Misselhorn

11 hours ago

Sonya van Jaarsveld het die swaarste modderbek onder die vroue gevang. By haar is Marianne Engelbrecht.

Meyerville Hengelklub het op 26 April ’n groot hengelkompetisie by hul waters in die Grootdraaidam aangebied.

Die mans en vroue het R1 000 ontvang vir die swaarste karp, modderbek en baber.

Die swaarste karp is deur WJ Smith en Carina Scheepers ingeweeg. Die vangs het onderskeidelik 3.32kg en 3.28kg geweeg.

Sonya van Jaarsveld se modderbek van 1.10kg en Quentin Visser se 1.24kg modderbek het die prysgeld opgeraap.

Linden Haasbroek (2.88kg) en Natanya Holliday (720g) het die swaarste babers uitgetrek.

Carina Scheepers spog met die vroue se swaarste karp. By haar is Marianne Erasmus.

WJ Smith spog met die swaarste karp (3.32kg) en ontvang 'n toekenning vanaf Hennie van Jaarsveld.

Linden Haasbroek het die swaarste baber uitgetrek. By hom is Jurie Moolman.

Natanya Holliday het die swaarste baber onder die vroue ingetrek. Hier oorhandig Richard Hills die toekenning.

Quentin Visser se modderbek van 1.24kg was die swaarste onder die mans. Danny Bosman oorhandig die toekenning.