Nog ’n laaste reëntjie voor die winter amptelik begin
Witbankdam se gemiddeld bly bo 98% en die syfer word fyn dopgehou omdat winterreën in die Hoëveld maar skaars is.
Die rooi, bruin en oranje kleure van die blare en die vrolike kosmosse langs die pad vertel duidelik dat die winter om die draai is.
Die Hoëveld is ’n somerreënstreek en die reënseisoen is nou amptelik verby, alhoewel dit gisternag lekker gereën het.
April was ietwat droog en al het die wolkies opgesteek, het daar nie veel van daardie reën ‘beloftes’ gekom nie.
LEES MEER: Witbank Dam still filled to the brim
Die laaste lekker buie het in Maart geval en eMalahleni se ‘reënval-man’, Cross Basson, het gesê die maand se syfers het die normale verwagting met 14mm oortref.
Statistieke vir Tasbetpark
Volgens Basson is ’n totale reënval van 104mm in Tasbetpark gemeet.
Hy het ook aangeteken dat dit in Maart 14 dae lank gereën het.
“Dit is agt dae meer as die gemiddelde aantal reëndae vir Maart.”
Witbankdam was vanoggend 98% vol.
Only 8mm of rain was measured at Witbank Dam at 06:00 this morning
— WitbankNews (@WitbankN) November 16, 2025
Read more here: https://t.co/bMiaFhzTPz#WitbankNews #emalahleni #witbankdam
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
