Kuns kompetisie versterk bande

’n Kuns kompetisie wat onlangs deur die Brakpan gemeenskap polisiëringsforum (GPF) van stapel gestuur is, is goed ondersteun deur die jong mense van die dorp.

April 1, 2018

Thelma Koorts Less than a minute

Alecia de Klerk van Hoërskool Die Anker het ’n tweede plek behaal met haar inskrywing. Saam met haar op die foto is (van links): Ntwanano Malamula (SAPD jeug verteenwoordiger), Alecia, Apie Peens (voorsitter van die Brakpan GPF) en kapt Pearl van Staad (woordvoerder van die Brakpan SAPD).

Adel de Jager, skakelbeampte van die GPF, het gesê dat skole van die dorp wonderlike samewerking verleen het en dat daar uiteindelik 488 inskrywings ontvang is.

Michayla Bruwer (15), ’n leerder van Hoërskool Die Anker se kunswerk het gesorg dat sy as die algehele wenner van die kompetisie aangewys is. Saam met haar is (van links): Apie Peens (voorsitter van die Brakpan GPF), kapt Pearl van Staad (woordvoerder van die Brakpan SAPD), Michayla, Ntwanano Malamula (SAPD jeug verteenwoordiger) en Gladwell Mashego (tesourier van die Brakpan GPF).

“Ons is baie dankbaar teenoor die hoofde van die skole wat die projek goed ondersteun het,” het de Jager bygevoeg.

Die doel van die kompetisie was om bewusmaking oor misdaad in die kollig te stel maaar ook om die verhouding tussen die GPF en jonger mense van die dorp te versterk.