Solidariteit Helpende Hand bied studielenings aan vir Ankers

Solidariteit Helpende Hand se streekorganiseerder, Mariolette Vorster, het Maandag besoek gebring aan Hoërskool Die Anker met die doel om die leerders in te lig oor Helpende Hand se rentevrye studielenings.

Die studietrust, wat verantwoordelik is vir die gedeeltelike lenings, fokus meestal op studente van Sol-Tech, Akademia en Bo-Karoo Opleiding, maar is beskikbaar vir studente en voornemende studente by ander instansies ook.

Tydens die voorlegging aan die leerders het Helpende Hand se Brakpan takvoorsitter, Charmaine van den Heever en lid, Francoitte van den Heever, ook avokados oorhandig aan die skool vir hul voedingskema.