Die Brakpan Poolklub spog met ’n splinternuwe lokaal by die State Mines Country Club, en die amptelike opening daarvan vind op 2 Mei plaas.

Besoekers kan reeds vanaf 11:00 opdaag, waarna ‘n lintknipseremonie ongeveer 12:00 sal plaasvind.

Poolwedstryde en toernooie sal deur die loop van die dag plaasvind, en vermaak sal ook aangebied word.

“Ons sien werklik daarna uit om die publiek by ons klub te verwelkom, veral persone wat as lede en gereelde spelers wil aansluit,” het Shawn Raper, die persoon aan die stuur van sake, gesê.

“Ons doelwit is om die klub te laat groei en nog vele suksesvolle toernooie en kompetisies aan te bied,” het hy bygevoeg.

Vir meer inligting, kontak Shawn by 082 672 0776.