Crabapple Cottage leef voort en ontvang erfenisplaatjie

Na slegs een besigtiging het hulle besluit om die eiendom, wat met ’n krabappelboom die voorsig verfraai, te koop, min wetend van die erfenis en geskiedenis van die vorige eienaar.

Audrey Elizabeth Postma se passie vir oudhede en ou geboue was die rede dat sy en haar gesin in 1971 na Heidelberg verhuis en die ou Goodwin-huis gekoop het.

Crabapple Cottage, soos wat Audrey dit gedoop het, se oorsprong was ’n skuur wat deel uitgemaak het van die Goodwin eiendomme wat oor die hele blok gestrek het.

Dit was oorspronklik drie erwe vanaf die huidige posisie geleë en te danke aan Audrey se liefde vir ou geboue, was die ou, vervalle skuur van verwoesting gered. Sy het die eienaarskap van die struktuur vir slegs R50 bekom en wou die struktuur skuif en heroprig, terwyl die oorsprong en materiaal behoue moes bly.

Audrey se seun, Juan Postma, het vertel dat Crabapple Cottage sy ma se skepping was en dit verteenwoordig ’n leeftyd waar hy naweke om sy pa gehelp het om die skuur en die Goodwin-huis te herstel.

“My ma het gedurende die week al die sandsteenmure afgebreek terwyl my pa by die werk was. Sy het ’n platneus-skroewedraaier gebruik om die modder tussen die sandsteenblokke uit te skraap.

“Na skool moes ek die rotse op ’n kruiwa na ons eiendom skuif, met groot sorg om dit in volgorde te pak, ry vir ry, terwyl ons dit verwyder,” het Juan vertel.

Die struktuur was eers omskep in motorhuise en het later die Crabapple Cottage geword, waar Audrey en Helenius Postma in afgetree het.

“Nadat ons uitgevind het van die erfenis, wou ons Audrey se nalatenskap laat voortleef en het so die gastehuis begin,” het Lélanie gesê.

Crabapple Cottage is vandag ’n gesellige tuiste vir gaste, bied eg Suid-Afrikaanse etes en hou op 1 Oktober hul eerste huiskonsert met gaskunstenaar Joshua na die Reën.

Die bloeisels van die jare-oue krabappelboom het die aankoms van lente bevestig en is reg om gaste te verwelkom.

Vir meer inligting, kan Lélanie by 072 709 8560 gekontak word.