Dansers presteer by kampioenskappe
Die dansers het uitgeblik by die Suid-Afrikaanse Dansskool Kampioenskappe.
Dansers van die Felicia Fitness and Dance Studio (FFDS) het op 30 Oktober hul talente ten toon gestel tydens die Suid-Afrikaanse Dansskool Kampioenskappe in Centurion.
Die dansers se resultate was soos volg:
• Anja Oelofse (17) het drie moderne items ingeskryf. Vir jazz het sy 78.7% verwerf en vir musiekteater 77.7%. Haar liriese-item het 82.3% verkry, saam met ’n spesiale toekenning vir passie en mees belowendste danser.
• Annemi Botha en Lia Els (6) het vir hul modern duet 80.3% verkry.
• Jeanri du Plessis (9) het vir haar musiekteater 84% verkry. Sy het ook saam met Liane du Plessis (11) ’n liriese duet gedans, waar hulle 81.7% verkry, asook ’n spesiale toekenning vir mees belowendste dansers en spanwerk. Du Plessis het ook ’n kontemporêre solo gedans en 80% verwerf.
• Jessica Potgieter (14) het aan ses items deelgeneem: vyf solo’s was en ’n duet. Jazz solo 80%, kontemporêre solo 80%, liriese solo 81%, hip-hop solo een 83% en hip-hop solo twee 83.7%. Haar hip-hop duet saam met Marli Heydenrych (13) het 82% verkry.
• Jolene Grobler (11) het saam met Heydenrych ’n hip-hop duet gedans, waar hulle 81.3% verkry het. Grobler het ook ’n kontemporêre solo gedans en het 75% verkry.
• Kaitlynn Uys (9) het ’n modern solo gedans en 76.7% verkry.
• Megan Marais (11) het twee solo’s gedans: jazz 76.3% en liries 77%.
• Shantelize Schoeman (8) het haar 83% vir haar hip-hop solo verwerf.
