Treinspore gesteel en beskadig
NCOP se lede het 'n verdagte motor by die spoor gewaar waarna hulle gaan ondersoek instel het.
Nigel Community on Patrol (NCOP) lede het omstreeks 24:00 op 29 November op ’n werf agter die Nigel Begrafplaas aangekom waar treinspore gesteel word.
Die lede het op inligting rakende ‘n verdagte voertuig gereageer.
Beskadigde treinspore asook die voertuig en gereedskap, waaronder hammers en gas-tenks, is op die toneel gevind.
Dit blyk of die voertuig in die modder vasgesit het, danksy die reën wat die afgelope ruk geval het.
NCOP-lede vermoed dat die spoordiewe die voertuig en hul gereedskap agtergelaat het nadat hulle gevind het dat dit vas sit.
Ondanks die weer wat die diewe in hul kwaaddoenery gestuit het, is daar alreeds ‘n groot gedeelte van die spoor wat weg is.
NCOP-lede het bevestig dat hulle die saak by die polisiediens sal gaan aanmeld.
