Gedig opgedra aan kinders en kwesbares
Bianca Oosthuizen is al vir 'n geruime tyd werksaam as maatskaplike werker.
HEIDELBERG – Bianca Oosthuizen, ‘n maatskaplike werker van Solidariteit Helpende Hand, Oos-Rand het die gedig opgedra aan die kinders en kwesbares in die gemeenskap.
‘n Beskermende hand vir ons kinders en kwesbares
In die skemer van ons samelewing, waar die son se laaste strale die aarde omhul, ontvou ‘n storie van drie individue.
‘n Klein gesig, bleek en hongerig, staar na die leë bord voor hom. Sy maag knor, maar die kos is ‘n verre droom.
Hy is die onsigbare kind, die een wat nie sy basiese behoeftes kan bevredig nie. Sy oë soek hoop, sy hande strek uit na ‘n beter môre.
ALSO CHECK: Take your dustbin in after rubbish collection
‘n Stil kamer, ‘n enkel stoel. Die bejaarde sit daar, haar hande gerimpel en haar oë vol herinneringe.
Haar kinders is vêr weg, die wêreld het haar vergeet. Sy verlang na ‘n geselskap, ‘n glimlag, ‘n hand om vas te hou.
Haar hart is ‘n oop deur na die verlede, maar die toekoms is onseker. ‘n Rolstoel beweeg stadig oor die sypaadjie. Die persoon daarin kyk na die trappe by die ingang van die gebou.
Hy voel magteloos, beperk deur die onsigbare mure wat hom omring. Sy wil om deel te wees van die samelewing bots teen hindernisse.
Hy is nie net ‘n persoon met gestremdhede nie; hy is ‘n mens met drome en verlange. Hierdie drie individue, elk met ‘n unieke verhaal maar tog eenders, is die ankerpunte van ons gemeenskap.
ALSO CHECK: Regular check-ups encouraged for early kidney disease detection
Hulle roep ons op om saam te staan, om te gee, om te luister om saam te bou aan ‘n beter toekoms. Want in die saam weef van ons liefde en omgee, vind ons die krag om die onsigbare mure af te breek en ‘n veilige ruimte vir almal te skep.
Laat ons saam opstaan, hande vat, en ‘n onsigbare skild vorm om ons kinders, bejaardes en persone met gestremdhede te beskerm.
In die hart van elke gemeenskap lê ‘n krag wat nie deur individue alleen gedra kan word nie, maar deur ons almal saam.
Met hart…in krag… tot hoop lê…die toekoms van ons kinders se drome en die hoop vir ‘n beter môre.
• Bianca Oosthuizen Solidariteit Helpende Hand Maatskaplike werker.
