Plaaslike rugbyklubs skud vere reg vir 2025

Oefeninge vir die jaar skop af,

January 6, 2025

Eugene Viljoen 1 minute read

Nigel Rugbyklub se spelers wil gedurende die 2025 seisoen hul stempel afdruk. Argieffoto

Heidelberg – Die plaaslike rugbyklubs van Heidelberg en Nigel is besig met voorbereidings vir die 2025 seisoen.
Beide die klubs speel in die kompeterende Valke Merlin Liga.

Die huidige Merlin Liga kampioene Nigel Rugbyklub begin hulle oefeninge op 7 Januarie op die John Vorster Stadion in Nigel.
Nigel se volgende groot rugbydag sal op 1 Maart op die John Vorster Stadion in Nigel plaasvind.

Heidelberg Rugbyklub het in 2024 vir die eerste keer in die Merlin Liga gespeel en het ‘n goeie seisoen agter die blad en waar hulle die ander spanne laat hard werk het in die liga.

Heidelberg se oefeninge begin op 7 Januarie op Hoër Volkskool se velde. Die verskeie oefeninge begin op 18:30 – 20:00.