Volkie woeker met haar talente

Hoër Volkskool se leerders is ryk in hul kultuurervarings.

Simoné Fisher het onlangs aan die DASA- (The Dance Academy of South Africa) asook aan die Vivarte Kunstefeeste deelgeneem waar sy met verskeie toekennings weggestap het.

Sy het ‘n A+++ medalje vir die DASA klassieke- asook nasionale dans ontvang.

By die Vivarte Kunstefees het Simoné in die kreatiewe penskets afdeling 94% behaal en is sy ook as itemwenner aangewys.

In die pastelle item het die talentvolle leerder 93% behaal.