Volkies se jaarlikse wedywering sluit op ‘n hoogtepunt af
Gesonde kompetisie deur die skool se leerders is deel van hul skool kultuur.
Die jaarlikse interne kompetisie by die Hoër Volkskool om te beslis wie koning kraai tussen die koshuis inwoners (Brakke) en die dorp se leerders (Brakke) het weereens gewys hoe gesond die kultuur en wedywering by die skool is.
Daar is met mag en mening aan verskeie sportsoorte deelgeneem en nie een van die spanne wou graag aan die verloorkant staan nie.
Die Dorp-span het koning gekraai in atletiek, netbal, meisies- en seuns hokkie asook skaak.
Die Brakke-span het weer hul staal getoon in swem, golf, tennis en krieket.
Dit het alles afgewentel tot op die laaste item, wat die rugby was.
’n Vasbeslote Brakke-span het gewys wat hulle steek en het as oorwinnaars van die veld gestap.
Na al die kragmetings en met die stand van die punte was die Brakke en die Dorp gelykop met vyf punte elk.
Na al die wedywering deur die jaar is die Dorp-span egter as wenners gekroon weens die feit dat hulle die kultuurbeker ook opgeraap het.
