Suikerbos inwoners word getrakeer
Leon en Rietha Goosen het die gaste vermaak met geestelike musiek.
Die Suikerbos Aftreeoord het op 21 November ‘n gesellige jaareind funksie aangebied in samewerking met AVBOB Heidelberg-tak.
Die funksie is ‘n jaarlikse instelling waar die inwoners lekker saamkuier en top klas vermaak kan geniet.
Die oord bestuurder, Jannie Kotze het die verrigtinge afgeskop en almal verwelkom.
“Die uitdagings van vanjaar het ons almal net sterker gemaak. Ons moet mekaar elke dag ondersteun en uitkyk vir mekaar,” het Kotze gesê.
Suzan Basson van Crimestop het inligting met die inwoners gedeel, om hulle daarvan bewus te maak dat misdaad op enige plek kan toeslaan.
“Wees altyd bedag en sien om na jou besittings. Dit is ook belangrik dat almal uitkyk vir mekaar,” het Basson gesê.
Magda Roux van AVBOB het ook waardevolle inligting met die inwoners gedeel.
Leon en Rietha Goosen het die gaste vermaak met geestelike musiek.
Marlene Walkden, Suikerbos Afttreeoord se maatskaplike werker het almal bedank wat deel van die geleentheid was.
“Die jaar het ons groot uitdagings in die gesig gestaar maar ons is met groter seëninge daaruit. Moet nooit vas staar in jou probleme nie maar kyk eerder verby dit na wat jy kan vermag,” het Marlene gesê.
