Heidelberg Rugbyklub bied suksesvolle sewes toernooi aan
All Stars het koning gekraai by die toernooi.
Heidelberg Rugbyklub het op 23 November ‘n sewes rugby toernooi op die rugbyveld van die Hoër Volkskool aangebied.
Die spanne het ver en wyd gekom om deel te neem aan die toernooi.
Die spanne wat deelgeneem het was: Heidelberg (drie spanne), Springs, Pretoria, NWU, Welkom Rovers, Brakpan (twee spanne), Elsburg, ERU en All Stars uitnodigingspan.
Daar was ook ‘n paar junior spanne wat teen mekaar op die dag die stryd aangesê het.
Goeie en aanskoulike rugby is reg deur die dag gespeel.
Na afloop van die dag se spel het Brakpan en All Stars na die finaal deurgedring.
Die finaal was baie gelykop gewees om mee te begin en die eindtelling het nie die ware weergawe van die wedstryd weerspieël nie.
All Stars het die wedstryd 21-7 gewen, met die wendrie, wat teen die einde van die wedstryd aangeteken is.
