Goue Jare Aftree Oord geniet samesyn
Die jaarlikse instelling by Goue Jare Aftree Oord is baie gewild en iets waarna die inwoners uitsien.
Die jaarlikse kuier-en-ken-mekaar geselligheid by Goue Jare Aftree Oord is vir die inwoners iets waarna hulle die hele jaar uitsien.
Die kuieroggend se doel is om die inwoners van Goue Jare Aftree oord, asook Hannie Hof, K-woonstelle, N-woonstelle, H-woonstelle en J-woonstelle bymekaar te laat kom om vleis te braai en mekaar beter te leer ken.
Avbob het gesorg vir die vleis, soetigheid en koeldranke en het ook die bestanddele vir die pap, sous en slaai voorsien.
Bernadene Theron was die gaskunstenaar vir die dag en het met haar strelende stem die inwoners toegesing.
Saam met haar was die Golden Oldies boere orkes ook teenwoordig en het gesorg vir heimwee van ou Boereliedjies wat op die donkielong en kitare getokkel was.
“Ek wil elkeen wat ons braai- en kuier oggend bygewoon het bedank asook Avbob vir hul bydraes en ons gaskunstenaars Bernadene Theron en die Golden oldies boere orkes,” het Theresa Scholtz gesê.
