‘n Groot groep mense het op 5 Desember in ‘n rustige atmosfeer die jaarlikse Kersklanke bygewoon, wat op Hoër Volkskool se rugbyveld aangebied is.
Volkskool se skoolhoof, Sias Botha het die verrigtinge geopen.
“Dit is die vierde jaar wat ons die Kersklanke aanbied. Ongelukkig in die verlede was twee byeenkomste afgestel as gevolg van reën en ongure weer.
“Ons wil dit as ‘n jaarlikse tradisie instel sodat die inwoners van Heidelberg hul Kersfees tydperk kan inlei met ons Kersprogram” het Botha gesê.
Verskeie gaskunstenaars het musiek tydens die vertoning gelewer.
Onder die kunstenaars was Loné Danhouzie, Welize Cronje, Elizna Odendaal, Belinda Muller, Dale Bierman, en die Hoër Volkskool Kamerkoor onder leiding van Sarita Sprong.
‘n Spesiale Kersboodskap is deur Kiewiet Cloete gelewer.
