Besigheidliga skop af met rekordgetal spanne
Die jaarlikse besigheidliga word in goeie gees gespeel en sorg vir groot pret.
Die eerste balle in die Heidelberg Rolbalklub Besigheidliga het op 6 Maart gerol.
Die besigheidliga word twee keer per jaar aangebied deur Heidelberg Rolbalklub.
Tydens die opening het die onder voorsitter van die klub, Herman van der Merwe al die spelers verwelkom.
“Die besigheidliga groei en ons het tans 28 spanne wat deelneem; die meeste nog,” het Van der Merwe gesê.
“Dit is ‘n droom van ons gewees om soveel mense by rolbal betrokke te kry. Ek glo dit sal ook ons klub kan versterk in die toekoms,” het hy bygevoeg.
Die toernooi word op drie agtereenvolgende Donderdae gespeel om die wenspan te bepaal.
Daar sal ook ‘n geesbeker en beste toucher aangewys word.
Die spanne wat aan die toernooi deelneem is NTT VW, Jetour Alberton, AutoCity Nissan Nigel, LTE Glass & Aluminium, CA Financial, Freestock, Freestock 2, Nalchem Fire, Remax, Suikerbos Makelaars, Auto City Kia Nigel, JR Lubricants, Heidelberg Electrical, Howell Properties, Howell Properties 2, Multivac, Multivac 2, EHS Industries, Valostar, AutoCity Mahindra Heidelberg, HHR Engineering, Jumangi Construction, MMG Ford, MMG Ford 2, Bendet Engineering, Stage Zero, Protek en Big Digs.
