Sagie atlete lewer top prestasies

Atlete van Laerskool Hannes Visagie het top prestasies gelewer tydens die Gauteng kampioenskappe.

Twaalf leerders het in 17 verskillende items gekwalifiseer en het op 14 en 15 Maart aan hierdie kampioenskappe deelgeneem.

Vyf leerders het deurgedring na die halfeindstryd van die Gauteng Kampioenskap en Levin le Roux het met diskus en spiesgooi deurgedring na die Suid-Afrikaanse kampioenskappe wat 20 tot 22 Maart plaasgevind het.

Le Roux het ‘n agtste plek in diskus en ‘n derde plek in spiesgooi behaal en met sy afstand van 36.02m deurgedring na die SAs.