Heigel Fotoklub wenners spog met indrukwekkende foto’s
Die beoordelaars het deur ongeveer 60 foto's gewerk om die wenners aan te wys.
Die lede van die Heigel Fotoklub het op 14 Mei bymekaargekom vir die maandelikse vergadering van die klub.
Daar is dié maand ongeveer 60 foto’s ingestuur, waardeur die beoordelaars moes werk om die beste foto’s aan te wys.
Die voorgeskrewe tema vir die maand was Berge en Dale.
Daar is ook verskeie ander kategorieë waarvoor die fotograwe hul foto’s kon inskryf, wat onder andere swart-en-wit, portret, argitektuur, natuur, voëls, ope, sport en joernalistiek ingesluit het.
Die wenners is:
Voorgeskrewe foto wenner: Berge en Dale met Teen die grens van begrip deur Riekie Bornman.
Beste algemene foto: Net die regte grootte deur Carin du Bois.
Beste junior foto: Fungi in die bos deur Anke de Villiers.
Die voorgeskrewe tema vir Junie is troeteldiere.
Die fotoklub beplan om op 16 Junie ‘n fotojag te hou by Marievale, wat verskeie temas gaan insluit. Die
geleentheid sal met ‘n Om meer inligting oor die klub te bekom, kontak vir Dawie de Villiers by 084 600 5765.
Die volgende vergadering is op 11 Junie.
