Claudio Jayden Naudé, ’n karateka van die Hoër Volkskool, het onlangs sy vaardigheid opnuut bewys.

Claudio het op 8 en 9 November aan die Tenshinkan Noord-Gautengse Kampioenskappe deelgeneem, waar hy uitstekende prestasies behaal het.

Tydens die strawwe kompetisie het hy sy deursettingsvermoë en tegniese vernuf ten toon gestel.

Claudio het ’n tweede plek in kata verower en met ’n eerste plek in kumite ’n goue medalje huis toe geneem.