Die Nigel Netbalklub nooi netbalspanne om op Julie 25 aan ‘n opwindende netbaldag by die John Vorster-sportgronde in Nigel deel te neem.

Spanne moet teen Julie 18 registreer, terwyl die inskrywingsfooi van R400 per span teen Julie 22 betaal moet word.

Die kategorieë sluit in Newcomers vir spelers met minder as twee jaar se ondervinding, Gemengde spanne wat uit drie mans en vier vroue bestaan, gevorderd vir spelers met meer as drie jaar se ondervinding, asook hoërskool vir spelers tussen 14 en 16 jaar.

Die dag beloof meer as net netbal, met stalletjies wat kos en verversings sal aanbied. Toegang vir ondersteuners kos R10 per persoon.

“Kry jou span bymekaar en sluit by ons aan vir ‘n opwindende dag van netbal, spanwerk en puik kompetisie,” sê Simone Roux.

“Ons nooi alle spanne om te registreer en deel te wees van ‘n onvergeetlike geleentheid. Of jy nou speel om mee te ding, jou vaardighede op te skerp of bloot vir die genot daarvan, daar is ‘n plek vir elkeen.”
Om te registreer, kontak Simone by 079 878 3954.