Twee vermeende inbrekers in Heidelberg Sentraal vasgetrek.

Twee loop hulle in Jordaanstraat vas.

July 2, 2019

Heidelberg Nigel Heraut 1 minute read

Heidelberg polisielede het twee verdagtes wat by huise in Jordaanstraat ingebreek het binne ‘n uur vasgetrek. Die eerste verdagte is binne minute deur A/O Wollie Wolmarans en Sersant Vusumuzi Zondo in Du Preezstraat met die gesteelde goedere gearresteer.

‘n Verdagte is binne minute nadat hy en ‘n makker by ‘n huis in Jordaanstraat ingebreek het, in hegtenis geneem. Die tweede verdagte wat in die erf langsaan weggekruip het, is ongveer 40 minute later uit die erf sien kom, waarna die polisie weer ontbied is.

Die eerste verdagte is deur A/O Wollie Wolmarans en Sersant Vusumuzi Zondo, waar hy in die straat met die gesteelde goedere gehardloop het, aangekeer.

Dit het eers geblyk dat daar net een verdagte is, maar nadat polisie die perseel verlaat het, het die tweede verdagte die erf langsaan verlaat en is ook deur ‘n lid van die publiek gesien. Ongeveer 20 minute daarna is die tweede verdagte ook deur die polisielede aangekeer en gearresteer.