Carmen wen Dux-leerling 2013
HOëRSKOOL Kemptonpark het op 17 Oktober tydens sy prestige akademiese meriete-aand erkenning gegee aan sy leerlinge se akademiese prestasies, asook in sport, kultuur en leierskap. Tydens die geleentheid by Maranatha-gemeenskapskerk is meer as 1 000 toekennings gemaak. Dit sluit in half-erekleure vir prestasies op distriksvlak, erekleure vir prestasies op provinsiale vlak en erepennings vir prestasies …
HOëRSKOOL Kemptonpark het op 17 Oktober tydens sy prestige akademiese meriete-aand erkenning gegee aan sy leerlinge se akademiese prestasies, asook in sport, kultuur en leierskap.
Tydens die geleentheid by Maranatha-gemeenskapskerk is meer as 1 000 toekennings gemaak. Dit sluit in half-erekleure vir prestasies op distriksvlak, erekleure vir prestasies op provinsiale vlak en erepennings vir prestasies op nasionale vlak.
Carmen Kruger is aangewys as akademiese Dux-leerling vir 2013.
Danielle du Plessis het die beheerliggaam-toekenning vir veelsydigheid in graad 12 ontvang.
Ruan de Witt, Kaylee-Avenant en Demi-Lize Shandos is die top kultuurpresteerders.
Die veelsydigste leerlinge in hul onderskeie grade was Xander Terblanche (gr 8), Deanda van Zyl (gr 9), Monique Wagner (gr 10) en Niel van Tonder (gr 11).
Die veelsydigste sportleerlinge was Micheala Tyrelle en Cindy von Ahlenfeldt (junior meisies), Johnic Smith (junior seun), Marné Jonker (senior meisie) en Hanno van Tonder (senior seun).
Kempies se toppresteerders in sport vir 2013 is Tiffany Bell, Eckhardt Rossouw en Cindy von Ahlenfeldt.
