OOS-RAND Akademie (ORA) het op 18 Maart hul 20ste bestaansjaar gevier deur ’n reünie te hou vir alle oud-ouers; -leerders; -bestuursraadslede en -personeel in die skoolsaal.
Die huidige ouers, personeel en leerders kon ook deelneem aan die feesvieringe.
Zerelde Uys het die gedagte van ’n Afrikaanse privaatskool begin en haar ma Dr Tersia King om hulp gevra en oorlede Johan Kruger genader om die eerste skoolhoof te wees van ORA in 1996.
Die skool het met slegs 35 leerlinge geopen en spog vandag met 148 leerlinge. Hulle handhaaf die afgelope vyf jaar ’n 100 persent slaagsyfer.
King was ongelukkig nie teenwoordig gewees op die dag nie weens ’n gesondheidskwessie.
Die leerders het ook met hulle karnaval ten viering van die skool se 20ste bestaansjaar, op 15 April, al die geld wat ingesamel was aan die Kemptonpark DBV geskenk.
