LAERSKOOL Impala is streng teen boelies gekant.
Leerlinge moet gemaklik en veilig voel om hulself te wees en hul talente by die skool uit te leef.
As deel van Laerskool Impala se Stop Boelies-projek, het elke leerling ‘n spesiale stop boelie-plakker gekry sodat hulle kan verkondig dat hulle nie boelies is nie.
Saam met die plakkers is daar ook spesiale borde gemaak. Dit is teen boelies gerig en sal oral op die skoolterrein opgaan.
Terwyl daar geen plek vir boelies by die skool is nie, is daar wel baie ruimte om jou maaltafels te leer ken.
Wiskunde is ‘n uitdaging vir enige leerling wat nie sy tafels ken nie. Daarom het Impala as deel van ‘n wiskunde-inisiatief maaltafelborde ontwerp en by leerders se wisseltrappe opgesit, sodat hulle hul geheue kan verfris en hul tafels deurgaan voor hulle by wiskunde instap.
