Gilde hou Valentynsdans by Birchleigh

’n Valentynsdans word op 17 Februarie deur die Witwatersrandtak van die Boeremusiekgilde by Hoërskool Birchleigh gehou.

Gaste is welkom om hul eie kosmandjies en drinkgoed saam te bring. Daar sal vure beskikbaar wees vir diegene wat ’n vleisie wil braai. Pap en sous word gratis deur die gilde verskaf.

Daar sal pryse wees vir die bes geklede paartjie, asook vir die paartjie wat eerste op die dansvloer is.

Kaartjies kos R40 vir lede en R60 vir nie-lede. Kinders kan dit verniet bywoon.

Van die orkeste wat gaan optree, is Frank Tylor en sy orkes, Corrie Notjie en die manne, Gatskop Dansorkes en Corrie Visagie.

Die dans begin om 6nm. Kaartjies is beskikbaar by Ilze (072 610 4913) of Adriaan (082 411 9983).