Laerskool Edleen kry nuwe adjunkhoof

Hans Labuschagne is vanaf 1 Julie die nuwe adjunkhoof van Laerskool Edleen.

Gedurende sy studies en werksloopbaan in gasvryheidsbestuur, het hy sy liefde vir onderrig ondek toe hy leieropleiding vir skoolgroepe begin doen het.

In 2015 het hy as nagraadse studentonderwyser by Laerskool Mooifontein Primary begin en is in 2017 as permanente onderwyser by Laerskool Birchleigh aangestel.

Hy is later tot departementshoof opvoedkundige leiding by dié skool bevorder voordat hy nou by Laerskool Edleen aangesluit het.

Hy is ‘n boorling van Birchleigh en het sy laerskoolloopbaan by Laerskool Birchleigh voltooi voordat hy as lid van die klas van 2000 by Hoërskool Jeugland gematrikuleer het.

Labuschange het sy studies by TUT en Wits voltooi.