TWEE muurbalspelers van Hoërskool Kemptonpark het die naweek teen spelers van regoor die land aan die Wilson Ope Muurbaltoernooi deelgeneem.
Marnel Redelinghuys was die wenner M0/19 en Marno Lindeque was tweede in die S0/16.
Atletiek: Kempies het die massabyeenkoms Vrydag op sy tuisveld gewen. Kempies het 729 punte gehad, Monnas was tweede met 525 en Eldoraigne derde met 492.
Kempie-atlete wat meer as 900 Absa-punte behaal het: Jeandre Breytenbach (S0/14 hoogspring), James Pieterson (S0/14 verspring), Joubert du Plooy (S0/16 200m), Yster Louw (S0/17 800m), Marizaan McCabe (M0/14 hoogspring), Amanda Griessel (M0/14 hoogspring).
Meer as 1000 Absa-punte: Monique Wagner (M0/17 gewigstoot).
Krieket: die 0/15A-span het Hoërskool Merensky met agt paaltjies gewen.
Kempies het eerste geboul. Merensky 137/6 behaal. Kempies antwoord met 139/2.
Kempies-uitblinkers was Coenie van Deventer (62*), Kyle Schmidt (36 en 2/15) en Schalk Kleynhans (2/27). Kyle was ook die speler van die wedstryd.
