TWEE van Avionpark Junior Krieketklub se spanne het die naweek hul wedstryde gewen.
Die 0/10 superligaspan het United met 9 paalties geklop. United is vir 90 uitgeboul met Jayden van Vuuren wat 3/7 gevat het en Jay-Dee Oliver 2/3. Avion het in die 14de boulbeurt die wenlopie geslaan met een paaltjie plat. Die topkolwers was Jay-Dee Oliver (50*) en Jayden van Vuuren (28*).
Die 0/10B span het met 46 lopies teen Tsakane gewen. Avion het 87/10 aangeteken waarna Tsakane vir 41 uitgeboul is. Avion se uitblinkers was Zayne Kleinhans (20), Ruan Wolmarans (10), Stehan du Preez (4/7) en Ethan Smith (4/12).
Die ander uitslae was:
0/8A verloor teen Actonville met Corne Leimcke die beste speler (17 en 2/11)
Avion 0/8B het met twee paaltjies die onderspit teen teen Tembisa gedelf. Avion het 104 aangeteken met Joshua Hosking (24) die beste kolwer. Tembisa het die wenlopies in die 22ste beurt gekry. Jacques Hutton het 4/6 gevat.
0/10A het Vrydagaand teen Boksburg verloor. Boksburg 97/4 met Ivahn van der Merwe, Handre van Eck en Franco Trollip wat elkeen een paaltjie gekry het. Avion is vir 66 uitgeboul met Handre (12) en Zander Lindeque (10) wat die beste met die kolf gevaar het.
Die 0/12A span het gelykop gespeel teen Actonville. Die beste boulers was Gian van Heerden (2/10) en Armand Buitendag (2/7). Jano van Zyl (33) het die hoogste telling behaal.
0/12B het teen Vosloorus vasgeval. Vosloorus maak 109 en Avion kon net 35 kry.
