Jong Zandro ry ‘n tweede plek los

’n Jong Kempton Parker wat droom om eendag vlieënier te word, het vanjaar ook sy talent op twee wiele bewys.

Zandro Pero (13), wat vanjaar Graad Sewe by Laerskool Impala voltooi, was tweede in die Gauteng Xross Country Club-kampioenskappe wat uit agt wedrenne bestaan het.

Die wedrenne, wat motorfietsryers van regoor Suid-Afrika en selfs Botswana ingesluit het, is op plase om Johannesburg, Pretoria, Mpumalanga en Limpopo gehou.

Die laaste wedren was op 12 Oktober by Zorgfliet Bronkhorstspruit.

Volgende jaar, wanneer hy sy hoërskoolloopbaan by Hoërskool Waterkloof begin, sal hy opskuif na die 85cc senior kampioenskappe.