Opvolg: Drank betrokke by vangwa in rivier?

Volgens persone wat daar naby werk (maar graag anoniem wil bly,) het die voertuig met loeiende sirenes ingejaag. Die bestuurder het blykbaar beheer oor die voertuig verloor.

Buiten die bestuurder, was daar drie ander mense binne die voertuig gewees.

Die twee mense agter in die voertuig moes deur ander gered word.

Niemand is ernstig in die ongeluk beseer nie. Volgens Kol Ronel Otto, Provinsiale woordvoer van die SAPD, was dit lede van Ritavi se polisiestasie, wat op pad terug was van Malamulele af, waar hulle gevangenes gaan aflaai het.

“Ons is reeds besig met ‘n interne ondersoek en hoewel ek kan bevestig dat daar bloed by die bestuurder getrek is, kan ek myself nie verder uitlaat voor die ondersoek nie meer gevorder het nie,” het Kol Otto gesê.

Volgens ‘n naamlose bron in die SAPD was drank beslis by die voorval betrokke en is daar reeds ‘n saak van dronk- en nalatigebestuur teen die bestuurder van die voertuig aanhangig gemaak.