Orangedene Gholfklub is Maandagaand om omstreeks 18:00 beroof.
‘Daar kon meer rowers gewees het maar die twee mans wat ek gesien het, het polisie uniforms gedra,’ luidens Colleen Natorp.
Natorp vertel dat die rowers rustig die klubhuis ingestap het.
‘My ouers, Emil en Issie was besig agter die kroeg toonbank. Die volgende oomblik toe rig hulle die wapens op ons, en skreeu ‘fall down.’ My ouers het dadelik platgeval en hulle het die wapens teen my ouers se koppe gedruk. Ek is teen die grond neergegooi,’ vertel Colleen.
Luidens Colleen is haar ma, Issie in die gesig geslaan met een van die vuurwapens en haar pa en eienaar van die klub, Emil is twee keer agter die kop geslaan.
‘My ma is die ergste getraumatiseerd. Hulle het gevlug met kontant, juwele, drank en selfone.’ het Colleen aan Letaba Herald vertel.
Die waarde beloop glo derduisende rande.
‘Die polisie was redelik vinnig op die toneel,’ sê Colleen.
Issie sal glo more na Pretoria geneem word vir mediese behandeling, luidens Colleen.
Lees ook:
15 years behind bars…with his ‘secret’
AUDIO: Manhunt for 3 escaped rapists in Phalaborwa
UPDATE: Hlanganani escapee re-arrested
HOEDSPRUIT: Cash-in-transit vehicle bombed
