Vossie rugby verhang bordtjies teen Frikkie Meyer
Ben Vorster is die verdedigende kampioene van die reeks en is tevrede met sy eerste vertoning van die jaar.
Die Vossies se 1ste rugby span het Saterdag, 3 Maart die bordjies teen Frikkie Meyer van Thabazimbi in die openingswedstryd van vanjaar se NWU-Pukke-reeks met 30-27 verhang.
Frikkie Meyer het verlede jaar Ben Vorster se aspirasies om as Limpopo-kampioen gekroon te word op dramatiese wyse met 19- 17 in die eindstryd verydel.
Ben Vorster is die verdedigende kampioene van die reeks en is tevrede met sy eerste vertoning van die jaar.
Die span se slotpaar, CJ Erasmus en Rickus Nel, asook die agtsteman, Thapelo Ramoshaba, het blink vertonings gelewer.
Agterlangs was die losskakel, Erik Meintjes, senters DJ du Preez en Christiaan Smit, en die heelagter, Jason Mulder, uitstaande. Die borg vir die dag was Lannie Motors Volkswagen van Tzaneen en die Vossies bedank hulle hiervoor.
Die telbord het soos volge gespog in die Vossies se guns. 1ste span 30-27; 2de span 22-17; 3de span 15-10; O/16A-span 46-17; O/16B-span 49-0; O/15A-span 59-0; O/14A-span 38-10; O/14B-span 58-5.
