Hulle het November verlede jaar by ‘n tehuis van bejaardes in Polokwane ontmoet.

In April verhuis Dirkie na tehuis “Goue Jare” om nader aan haar kinders te wees en weens die sterk band tussen hulle besluit Piet om “Goue Jare” ook sy tuiste te maak.

Wat het julle na mekaar toe aangetrek?

“Ons het albei goeie geaardhede,” vertel Piet en dit is die grondslag waarop hulle verhouding gebou is.

Die resep vir ‘n gelukkige huwelik volgens Dirkie is om “nooit kwaad te word vir mekaar nie”.

Ds. Dewald Vermaak van die NG gemeente Laeveld in Modjadjiskloof het die seremonie waargeneem en ds. Fanie Beukes van die Hervormde Kerk Laeveld het die aanbidding gelei.

Ongeveer vyftig gaste was teenwoordig wat mede inwoners van die tehuis ingesluit het en is na die seremonie met lekkernye getrakteer.